Die Schweizer YouTuber Maelo Romani und Elia Rohrbach unterhalten mit ihrem Comedy-Podcast «Privatchat» die ganze Schweiz. Oder... auch absolut nicht.
https://anchor.fm/privatchat-podcast
Gesamtlänge aller Episoden: 6 days 21 hours 11 minutes
recommended podcasts
episode 12: Heiter gwüsst, Alligatore... | Privatchat #12
Alligatore si GANZ faszinierendi Tier! Genau so wie Pythons, die Sieche kenne gar nüt. Marc verzellt vo sine Erfahrige uf dr Chrüzfahrt und mir rede über üse Ordnigsdrang.
episode 11: Dr Stress isch im Endgame | Privatchat #11
Gefühlt jede Mensch het sich de neu Avengers Film ihzoge. Ussderdem isch de Marc würklich komplett de Influencer-Lifestyle am usläbe und gniesse.
episode 10: Game of Thorner | Privatchat #10
Es dreiht sich im Moment alles um Game Of Thrones. Uf dä Zug gumpe wir natürlich oh druf und rede generell über Serie. Dismau leider ohni Marc, dä isch z'fescht mit sim Influencer-Lifestyle beschäftigt.
episode 9: Huere ehrelos... | Privatchat #09
Mir wärde wider mau nur enttüscht... Game of Thrones isch also wichtiger als üse Podcast? Elia fehlt (SCHO WIDER) und Marc lebt dr Influencer-Lifestyle wie ke zwöite ir Schwiz. Oder vilech oh eifach absolut nid.
episode 8: Gott isch gross, d' Simulation isch grösser | Privatchat #08
Krassi Theorie und krassi Unterhaltig, das isch dr Privatchat Podcast wie me ne kennt und liebt.
Ir hütige Folg heimer usegfunde, was es mit Gott uf sich het! Sehr gwagti Ussag :D
episode 7: Di letschti Folg? | Privatchat #07
Podcasts hebe im Durchschnitt nur 7 Folge düre... Das isch üsi 7. Folg!
Elia isch wider nid drbii, kennet ne ja, immer busy üses Berner Arbeistier. Nichtsdestotrotz lifere Marc und Maelo natürlech wider Unterhaltig uf höchstem Niveau.
episode 6: Grasverchäufer oder Schnäbispienzler? | Privatchat #06
Mir rede über die würklech wichtige Theme vom Lebe. Lüt wo eim bim Pissoir uf d'Lustwurzle starre, üsi Erfahrig mit eme Graskonsument in Züri und d'Zuekunft vo Videogames.
Einisch meh übernehme Marc und Maelo z'Zepter, wüu Elia wider weg isch. Oder doch nid?
episode 5: Dr bescht Merch und Dr Stefan Locher | Privatchat #05
Mir labere über "guete" Merch vo gwüssne Persone und übere einzig wahr Dr Stefan Locher, bzw. sini Usenandersetzig mit izzy. Usserdem heimer usegfunde, dass Maelo huere alt isch und Marc het z'Gfühl er cha jetz d'Welt überneh mit sire Motivation.
episode 4: Gugus gsii, Gugus geblieben | Privatchat #04
Hüt heimer e ganz spezielle Gast im Repertoire, nämlech dr Künstler schlechthin: Gian Maria Finger.
Er het nid nur üses neue Intro/Outro gmacht, sondern redet mit üs über sini chli spezielleri schuelischi Loufbahn. Usserdem gömer ufs Thema Markechleider ih und tuusche üsi persönleche Sichtwiise drzue us.
episode 3: Vo schwangere Meerjungfroue und Lüt wo abfucke | Privatchat #03
Da Elia leider chrank isch, müesse Marc und Maelo hüt z'Zepter überneh. Aber ke Angst. Es isch no lustig.
Mir gö uf Frage vo üsne Zuehörer ih und beantworte se fachgrecht, wie sichs für zwöi professionelli "Podcästler" ghört.