The Mstdfr Show | بودكاست مستدفر

MSTDFR (Arabic: مستدفر) a weekly Middle Eastern geeky podcast spoken in "Arablish". Ammar & Rami host different guests to Discuss, Debate & Diffuse various topics including: Science, culture, tech, Entertainment & new generation challenges.

http://www.mstdfr.com/shows/mstdfr/

subscribe
share



 
 

      097: معاك يالأخضر في اليوم الأسود


      كأس العالم ٢٠١٨ كنا ننتظره بفارغ الصبر لأنه بعد سنين عجاف أخيراً وصل منتخبنا الوطني السعودي لتصفيات كأس العالم مرة أخرى. ومو بس كدة، كمان حنلعب المباراة الإفتتاحية مع روسيا وكمان المباراة حتكون ليلة عيد الفطر. وفعلاً لعبنا المباراة الإفتتاحية وقبل ما أهل سدير يشوفوا هلال شوال ويعلنوا العيد… قرروا لاعبينا إنهم يجيبوا العيد بنفسهم أمام الفريق الروسي بخسارة مضحكة مبكية بخمسة أهداف نظيفة.
      ما صدقنا العالم بدأ ينسى خسارتنا أمام ألمانيا بثمانية أهداف، نقوم نعيد تذكيرهم  بمستوانا “الرهيب” في إ...


      share





         1h7m
       
       

      096: “ث” تعني ثور الله في برسيمه


      فريق مستدفر يحب يهنئكم بمناسبة عيد الفطر ويقولكم كل عام وأنتم بكل خير… ولأننا آخذين إجازة اليومين هذه حنقدم لكم حلقة مسجلة مسبقاً في ٢٠١٥ وهذه أول مرة أي أحد يسمعها! ضيوفنا في الحلقة كانوا علي الزين وسندس الزين وخيرة بندقجي. الحلقة كانت أغلبها باللغة الإنجليزية (في أول أيام البرنامج الإنجليزي كان غالب على حلقاتنا) وأتكلمنا على بعض “الناس” اللي بنقابلهم في الشارع كل يوم وتصرفاتهم عادة “مشي حالك”. وبرضه أتكلمنا عن إستخدام برامج تخزين الكلمات السرية اللي بتستخدم في الإميلات وحسابات المواقع وشبكا...


      share





         44m
       
       

      095: هيا بينا نكون شويفتي هنا


      مو كل أفلام الكرتون أتعملت للأطفال… في أفلام كرتون أنتجت للكبار فقط! وواحد من أفضل هذه “الكراتين” هو المسلسل الأمريكي “ريك آند مورتي” إللي مبني في عالم خيالي مليء بالمتعة والكوميديا والإختراعات. وفي نفس الوقت… في بعض القصص الخيالية اللي صنعت للصغار والكبار على حد السواء… زي “الكوميك بوكس” أو القصص المصورة اللي أتعرفنا من خلالها على شخصيات زي الرجل العنكبوت وسوبرمان وكمان سلاحف النينجا. اليوم جلسنا مع راكان كدسة وعبدالله رافعة اللي أستدفروا معانا على بعض هذه المواضيع، إذا انتم من الناس اللي يح...


      share





         1h17m
       
       

      094: رؤية 2030 صارت واضحة 20/20


      رؤية ٢٠٣٠… سمعناها كثير وكل التغييرات اللي بتحصل في البلد مبنية على هذه الرؤية، المشكلة إنه كثير مننا ما قرأ أي شيء عن الرؤية وما عندنا أي فكرة عن أبعادها وحدود التغييرات اللي ممكن تحصل. وفهمنا للرؤية حيساعدنا كشعب إننا نكون جزء من التغيير وعنصر فعال في التحويل الإيجابي. وعشان كدة قعدنا اليوم مع الدكتور محمد حكيم والدكتور المهندس هاشم الزين اللي حاولوا يشرحولنا الرؤية بشكل مبسط عشان عمار بالذات يقدر يستوعبه. أسمعوا الحلقة وقولولنا إذا كان الشرح مفيد وواضح ودقيق من وجهة نظركم.


      share





         1h12m
       
       

      093: ياكلك حبة حبة… أكل الهمبرجر


      لسكان مدينة جدة… أيش أحسن المطاعم اللي عندكم؟
      اليوم قعدنا مع صديقنا أحمد درويش… أحد مؤسسي مجموعة
      “The Foodies SA”
      وأتكلمنا معاه عن الأكل في جدة والموضات المختلفة اللي بنشوفها في السوق اليوم. ومن ضمن الحديث سألناه عن أفضل المطاعم من وجهة نظره وقلنا على إختياراته لأفضل المطاعم في جدة اللي تبيع: ستيك، بيتزا، همبرجر، شاورما، أكل هندي، دجاج بروست، مناقيش، فول، طعمية وختمها بالسوشي.


      share





         1h4m
       
       

      092: تكي هنا وأكتب التدوينة الأخيرة


      مع دخول السينما السعودية، وضع صناعة الأفلام الآن أختلف في البلد. والساحة صارت مفتوحة لجيل جديد من الفنانين والمبدعين في مجالات الإخراج والتمثيل والتصوير وكل ما يتعلق بصناعة المحتوى الترفيهي بإنه يتطور ويلاقي جمهوره في بلده. وبالتالي اليوم أجتمعنا مع نادية ملائكة وعلي الشريف وخالد يسلم، مجموعة من الممثلين السعوديين اللي دخلوا عالم التمثيل خلال السنوات اللي راحت وأتكلمنا على مستقبل المهنة في البلد وكل واحد فيهم أعطانا شوية من خبراتهم ونصائحهم.


      share





       2018-05-18  1h34m
       
       

      : مين قال إنه كل “الهاكينج” غلط؟


      في ٢٠١٥ قعدوا عمار ورامي مع عمير طيبة وقعدوا يتكلموا على بعض المواضيع التقنية:

      – ليش اليوم كثروا مستخدمي أجهزة آبل أكثر من أول ما بدأوا؟
      – ليش في “Viruses” على الإنترنت وأيش بيستفيدوا الناس اللي بيسووها لمن يسووها؟
      – أيش يعني “Hacking” وهل هو شيء سلبي؟ أو ممكن يكون شيء إيجابي؟
      – هل نظام الدراسة اليوم في المدارس والجامعات مفيد لنا اليوم؟ أو ماله داعي مقارنة باللي نتعلمه في الشغل؟
      – ليش أصلاً بنروح ندرس في الجامعة؟ هل هي وجاهة؟ ...


      share





       2018-05-11  35m
       
       

      090: شبسات و لباينة و سعاودة


      هل الأفلام الأجنبية في السينما السعودية حتتدبلج للعربي؟
      هل اللهجة تأثر على أداء شخصية في فيلم أو مسلسل؟
      أيش السن المناسب للأطفال إنه يكون عندهم حسابات في شبكات التواصل؟
      ليش الناس بتتابع حساباتنا الشخصية؟ وليش يلغوا المتابعة؟
      هل تربيتنا لأولادنا بتسلب منهم شخصيتهم؟
      ليش كنا شاطرين في الإبتدائي وصرنا فاشلين في التوجيهي؟
      عبدالله يبغى يعرف أيش جمع كلمة “شيبس”؟


      share





       2018-05-05  1h2m
       
       

      089: يا سارية خبرني!


      كثير من الآباء والأمهات مع الانشغال ينسوا انهم ياخدوا شوية وقت من جدولهم المشغول ويقعدوا يتكلموا مع أولادهم. فقررت اليوم أقعد أدردش مع ولدي سارية (آخر العنقود) وأخليكم تشاركونا الدردشة. سبحان الله كل مرة أتكلم مع واحد من أولادي أكتشف شيء جديد عن شخصيتهم.


      share





       2018-04-26  43m
       
       

      088: (دوبامين عبدالله رافعة (رحمة الله عليه




      This episode was recorded on May 16th 2017… and we forgot about it and decided to release it. If you don’t understand what we re taking about in the beginning of the episode, go back and listen episode #067.
      We are still trying to cope with remote recording and scheduling issues.
      Today we talked about Net Neutrality, the latest worldwide online virus threat, using technology on airplanes and gaming.
      As well as some personal catching up.


      share





       2018-04-18  1h2m