Luusbuebe

E vode Luusbuebe empfohleni Spezialfolg zemme mitem Jonny Fischer vo Divertimento. Wieso möche mir das wo mir mache? Vo wo chömme d'Idee und was wenn me mol weniger Inspiration het? Ah, und denn gohts au no um sone Trabant. Viel Spass mir dr Folg & immer schön Knäckebrot esse! Luusbuebe Wobblers: https://spoti.fi/3hoxx3T

Scho sin die Beide Luusbuebe bi dr 32. Folg. Es erinneret scho fast ane Texturepack Uflösig vode alte Minecraftziite. Au wenns nid um Minecraft goht, au de Podcast het sini Ecke und Kante. Einersits will mir um d'Ecke denke und anderersits will mir und d'Kante gebe. Live usem Neumarkt - Viel Spass!

Oh Schlunder Bär, Oh Schlunder Bär, de wo das liest wird mol e Millionär. Mir sin go Skydive, rede über die Days wome sich eifach scheisse fühlt und schlundere eifach chlin dure Luuser. Zum erste Mol wieder per Discord und (leider) nid live. Viel Spass ihr Schlünderer! :D

D'Luusbuebe Gruebe redet über viel Crème Theme. Wiedermol direkt vom Gian Mann usem grade Wage. Hütt chli e deepy Folg, gmischt mit schlechte Schleim Reime. Viel Spass mit dr Folg! :D

Zerst Swiss Comedy Award, denn schlofe ufem Stäg. Zerst TikTik Ban, denn doch nid. Zerst kei lustige Podcast, jetzt immernoni lustig. Straight outta Gartehüüsli vo dr Nathi und mit dr Nathi! Viel Spass! :D

Die ersti Podcast Late Night Show vo dr Schwiz, wo no schlechter isch als Deville Late night. Hütt mit Themene wie Viktor Giacobro, Johnny Depp & Lamas inere Schöfliherde Also ganz alltäglichi Theme im Lebe vode Luusbuebe. E Podcast miteme grössere Lerneffekt als jedes Studium und Witerbildig. Viel Spass bi dr 36. Folg!

Fans um die ganz Welt sind schockiert… D Loredana chunt nöd as OpenAir Frauenfeld 2021. Fasch so relevant isch au d Frag „wie beweged sich eigentlich Schnäggä“ ? Ganz näbebi het de Corona no Trump und de Adi het de MacDonalds läär gässe. Viel Spass bim lose!

Motivierter als e 16 jöhrige Teenager bim Staubsuuge gohts in die 38. Folg vom Luuser. Nebst eme legendäre Rattewurf und Panzer-Lamas isches e sehr niveaulosi Sendig - Viel Spass!

Euche lieblings Comedy Podcast isch jetzt neu euche lieblings Finanz und Polit Podcast. Alli Froge rundum sicheri Ahlage, Finanzinstrument und Immobilie werde do beantwortet. Unsere Ahlage-Tipp vom Tag: McDonalds Regebogeglas. Het me 2 vo dene isch d'Rente sicher + jede Daag ei Gipfeli & Kaffi am Morge bim Beck. Ohni dass me jeh wieder e schlechts Gwüsse um sis Portemonnaie muess ha. Grüess gönge use an alli FCB Spieler in dr Quarantäne und uf kei Fall Spass mit dere Folg!

Nebelmaschine, kreasses Setup: Alles Sache wome im Podcast absolut nid gseht. Die Beide Luusbuebe fiire Halloween so, wke mes als richtige Schwizer macht: Gar nid. Gueti Witz, spannendi Unterhaltig und ganz viel Niveau. Alles Sache wo in dere Folg nid vorchöme. Düfür gits vo Horrorfilm über Guilty Pleasures bis Lifehacks fürs Koche alles. Viel Spass ihr Kürbisköpf!