Gesamtlänge aller Episoden: 3 days 3 hours 40 minutes
Lai Ram Thang Rahtin (Valte) le Rubi NiChin cu Chintube nih tawlrelmi prawkrem, Mission Trip Intern ah an i tel kho. Atutan Mission trip nih a timh mi cu Chinlung ah a um mi le IDPs camp ah a um mi kan Chin miphun hawi an ngandamnak lei zohkhenh le bawmh a si. Rubi le Valte nih an hmuhton mi SBS Hakha Chin ah chimrelnak an ngei. An hmuhton mi rak ngai ve dingin kan sawm.
Chin miphun mithmai a hngaltertu Joshua "The Fearless" Van cu Lucas Rocha he April ni 6 ah a thong ding a si. April 6 ah a thongh than nak ding kong he pehtlaiin biaruahnak kan ngei kho. UFC Flyweight zuamcawhtu hna lakah a uar bikmi theih na duh ahcun kan biaruahnak a dihdong tiang rak ngai ve.
Thawngpang dik le dik lo thleidan zia kan thiam a herh. Online chan a si, thawngpang chikhat loah a mikip sin a phan kho. Cucaah, kan zapei cungah a rak phan mi thawngpang kha zei bantuk thawngpang dah a si ti kherhlai hmasa hnu lawngah midang na hawi hrawmh chin hna. Cu loah cun a dik lo mi thawngpang a phozar chin tu na si sual lai.
Australia ramkomh cozah nih siangngakchia caah tiin bawmhnak a tawlrelmi a um. Bawmhnak ti tikah a lakin bawmhnak pek si loin, siangngakchia nih cozah tangka fawi tein hman chung khawhnak a tawlrel mi a si. Cucu Higher Education Loan Program silole HELP scheme an ti. Rian a tuaning ka chimmi a dihdongh tiang rak ngai ve.
Australia ram a rak hlum hmasa mi, ram ngeitu miphun hna nih an sunsakmi thil tampi lakah zungthiamnak le thiamtah thiamnak hi a tel ve mi a si. Thiamtah thiam kan ti mi kha an nih caah sullam phun tampi a rak ngei kho. Cucaah, ka chim mi a dihdongh tiang rak ngai ve dingin kan sawm.
Australia mino tampi nunnak cu lilennak le lungreitheihnak nih a zelh tiin University of Melbourne nih hlethlainak an tuah mi nih a langhter. A hlan ah cun kum 65 in a cunglei kha um har le lileng in an rak um tawn nain chan tiluan a thleng bak, thil umtuning zong a thleng ve ti khawh a si.
LUNAR NEW YEAR, Lunar cu thlapa chirchan in nile thla cun kum le caan relning kha a sawh duh mi a si. Lunar Calendar ti zongin an auh tawn, Lunar ni thla relning cu Nichuah thlang lei ram deuh nih hman mi nithla relnak kha a si. Tam deuh in ka chim mi rak ngai ve.
Avoi 76nak Chin National Day, Chin Miphun Ni cu South Australia ah sunglawi taktak in tuah dingin timlamh a si. Chin Communities an dihlak hmunkhat ah i fonh in Chin mi nih kan sunsakmi nisunglawi cu an hmangtti lai. Cu pinah, New Zealand Lai Paih Champion zong rak ra lai, cucaah Australia le New Zealand Lai Paih Champion zong kan kawl lai tiah duhsaknak an ngei.
Australia ram sining hoih in rian hlethlaining, rian sokning le rian kawlnak kong hna kha i fian le hngalh a herh ngaingai mi a si. Cucaah, rian a lawng mi hlethlainak kongkau ka chim mi a dih dongh tiang rak ngai ve.
Ram ngeitu miphun hna dirpinak le ttanpinak kongah kan theih ding mi thil pawl ka chim mi rak ngai ve. Tuanbia kan zoh tikah harsatnak an rak ton mi thil nih nihin ni tiang an nunnak a hnursuan theo.