Independent news and stories from SBS Audio, connecting you to life in Australia and Tibetan-speaking Australians. - རང་དབང་གི་གསར་འགྱུར་དང་གནས་ཚུལ་ཁག་གི་བརྒྱུད། ཁྱེར་རང་ཨོ་སི་ཊོ་ལི་ཡའི་ནང་འཚོ་བ་དང་ཨོ་སི་ཊོ་ལི་ཡའི་ནང་བོད་སྐད་ཤོད་མཁན་ཚོ་དབར་འབྲེལ་ལམ་འཛུགས་བཞིན་ཡོད།
https://www.sbs.com.au/language/tibetan/bo/podcast/sbs-tibetan
Gesamtlänge aller Episoden: 2 days 13 hours 12 minutes
ཨོ་སི་ཊོ་ལི་ཡའི་ནང་ལས་ཀ་འཚོལ་སྟངས།
ཨོ་སི་ཊོ་ལི་ཡའི་ནང་ལས་ཀའི་གོ་སྐབས་མང་པོ་ཞིག་ཡོངས་གྲགས་ཀྱི་ཁྱབ་བསྒྲགས་བྱེད་བཞིན་མེད་པས། ལས་ཀའི་གོ་སྐབས་འཚོལ་བར་ཨོ་སི་ཊོ་ལི་ཡའི་ངལ་རྩོལ་ཁྲོམ་རའི་གནས་སྟངས་དང་འགྲོ་ལུགས་གང་འདྲ་ཡིན་མིན་ཤེས་རྒྱུ་གལ་ཆེན་པོ་ཆགས་ཡོད། ལས་ཀ་འཚོལ་བ་ནི་དོན་དག་གལ་ཆེ་ཤོས་ཤིག་ཆགས་ཡོད།
མི་རིགས་དང་པོ་རྣམས་ལ་རྒྱབ་སྐྱོར་བ་ཆགས་སྟངས།
ཨོ་སི་ཊོ་ལི་ཡའི་ནང་མི་རིགས་དང་པོ་རྣམས་ལ་རྒྱབ་སྐྱོར་དང་མཉམ་འབྲེལ་ཞེས་པ་ནི་མི་སྒེར་སོ་སོའི་ངོས་ནས་གདོད་མའི་མི་རིགས་ཀྱི་སྤྱི་ཚོགས་ལ་ཁོང་ཚོའི་གནད་དོན་ཐད་རྒྱབ་སྐྱོར་དང་ལས་འགུལ་མཉམ་ཞུགས་བྱ་རྒྱུ་དེ་རེད།
ནང་ལ་སྡོད་ནས་ལས་ཀ་བྱེད་ཆོག་པའི་ཁེ་དབང་།
དེ་སྔོན་ཏོག་དབྱིབས་ན་ཚ་ཁྱབ་རྗེས་སྦྱིན་བདག་དང་ལས་མི་དབར་འབྲེལ་བ་དང་ལས་ཀ་བྱེད་སར་ལས་ཀ་དྲ་སྙོམས་ཀྱི་ཁྲིམས་ལུགས་འགྱུར་བ་ཕྱིན་ཡོད། ཚོགས་སྡེ་ཁག་གིས་ལས་མི་ཚང་མ་ཕྱིར་ལས་ཀ་བྱེད་སར་དངོས་སུ་བཅར་ཐབས་དང་མཚམས་རེར་བཙན་ཤེད་གཏོང་གི་ཡོད་ཀྱང་། ཆེད་མཁས་པ་ཚོས་སྟབས་བདེའི་ཐབས་ལམ་སྤྱད་ནས་ལས་ཀ་བཀོད་སྒྲིག་བྱེད་དགོས་པའི་གནས་སྟངས་མུ་མཐུད་གནས་ཡོད་པའི་ཉེན་བརྡ་གཏོང་གི་ཡོད།
དམིགས་བསལ་སྐུ་མགྲོན་གྱིས་བོད་མི་ཚང་མས་རྡོག་རྩ་གཅིག་སྒྲིལ་དགོས་པའི་འབོད་སྐུལ་གནང་བ།
ཕྱི་ལོ་ ༢༠༢༣ ཟླ་ ༡༢ ཚེས་ ༢༩ དང་ ༣༠ བཅས་ཉིན་གྲངས་གཉིས་རིང་ཨོ་སི་ཊོ་ལི་ཡའི་ས་གནས་མདོ་ཁམས་ཆུ་བཞི་སྒང་དྲུག་རྒྱུན་ལས་སྐབས་གཉིས་པས་གོ་སྒྲིག་འོག གྲོང་ཁྱེར་སིཌ་ནིང་ལ་བོད་ཀྱི་རིག་གཞུང་དུས་སྟོན་ཐེངས་དང་པོ་སྲུང་བརྩི་གནང་ཡོད་པ་རེད།
ཨོ་སི་ཊོ་ལི་ཡའི་ས་གནས་རང་ལ་སྐྱེས་པའི་སྔོ་ཚལ་ཤིང་ཐོག་སོགས་ཀྱིས་ཟས་རིགས་སྣ་ཚོགས་བཟོ་སྟ??
ཤིང་ནག་ཁྲོད་དུ་སྐྱེས་པའི་ཤིང་འབྲས་དང་སྔོ་ཚལ་གྱི་རིགས་འཚོལ་ཞིབ་ཀྱིས་ཁྱེད་ཀྱིས་ཐབ་ཚང་ནང་རྒྱུན་དུ་སྤྱོད་བཞིན་པའི་ཟས་རིགས་ཀྱི་ཚབ་བྱེད་ཆོག དེ་ནི་ཟས་རིགས་ཁོ་ནའི་གནད་དོན་ཙམ་མ་ཡིན་པར་དེ་ནི་ཨོ་སི་ཊོ་ལི་ཡའི་ཤུལ་བཞག་རིག་གནས་ལ་གསོན་ཤུགས་རྒྱས་ཐབས་ཀྱི་དུས་ཆེན་སྲུང་བརྩི་ཞིག་ཀྱང་ཆགས་ཀྱི་ཡོད།
སློབ་མ་བསྟན་འཛིན་བསྟན་དར་ལགས་སུ་བྱ་དགའ་མི་འདྲ་བ་ཁག་བཞི་རག་འདུག
ཨོ་སི་ཊོ་ལི་ཡའི་གྲོང་ཁྱེར་སིཌ་ནིང་ཁུལ་དུ་སློབ་སྦྱོང་གནང་བཞིན་པའི་སློབ་མ་བསྟན་འཛིན་བསྟན་དར་ལགས་སུ་ཕྱི་ལོ་ ༢༠༢༣ ལོའི་འཛིན་གྲྭའི་ནང་སློབ་མ་རྩེ་ཕུད་ཀྱི་བྱ་དགའ་སོགས། ཁྱོན་བྱ་དགའ་མི་འདྲ་བ་ཁག་བཞི་རག་ཡོད་འདུག
ཨོ་སི་ཊོ་ལི་ཡའི་ནང་དཔྱིད་ཀ་ཚ་བ་ཆེ་བའི་སྐབས་སུ་བསིལ་པོ་དང་བདེ་ཐང་ཡོང་ཐབས།
ཨོ་སི་ཊོ་ལི་ཡའི་ནང་དབྱར་ཁར་གནམ་དྭངས་ཤིང་ཚ་དྲོད་ཆེ་བ་དང་། དགུན་དུས་ཀྱི་གྲང་ངར་རྫོགས་ནས་ནམ་ཟླ་དབྱར་ཁ་ཤར་བ་ནི་དགའ་འོས་པ་ཞིག་རེད། ཡིན་ན་ཡང་ཨོ་སི་ཊོ་ལི་ཡའི་ནང་དབྱར་ཁར་ཐན་པ་དང་ཚ་བ་མགྱོག་པོ་ཇེ་ཆེར་འགྲོ་བཞིན་ཡོད། མ་ཚད་དབྱར་ཁར་ Ultraviolet ཞེས་པའི་མིའི་ལུས་ཕུང་བདེ་ཐང་ལ་གནོད་པའི་འོད་རླབས་ཤིག་ཤུགས་ཆེ་ཡོང་གི་ཡོད་པས་དེ་ལ་ངེས་པར་དུ་དོ་སྣང་བྱེད་དགོས། ཨོ་སི་ཊོ་ལི་ཡའི་དཔྱིད་ཀར་ཡང་སྐམ་ཤས་ཆེ་བ་དང་ཚ་དྲོད་ཤིན་ཏུ་ཆེ་བའི་དུས་སྐབས་དེར་བསིལ་པོ་དང་འཕྲོད་བསྟེན་བདེ་ཐང་ཡོང་ཐབས་བྱེད་དགོས་ཀྱི་ཡོད།
ཨོ་གླིང་ནང་བོད་མི་སོགས་ཀྱིས་ཞི་བདེའི་གཟེངས་རྟགས་འབུལ་བཞེས་མཛད་ནས་མི་ལོ་ ༣༤ འཁོར་བའི་དུ
ཨོ་སོ་ཊི་ལི་ཡའི་རྒྱལ་ཡོངས་ས་གནས་གང་སར་བོད་མི་ཚོས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་འཛམ་གླིང་ནང་སྙན་གྲགས་ཆེ་བའི་ནོ་བྷེལ་ཞི་བདེའི་གཟེངས་རྟགས་འབུལ་བཞེས་མཛད་ནས་མི་ལོ་ ༣༤ འཁོར་བའི་དུས་དྲན་སྲུང་བརྩི་ཞུས་ཡོད་པ་རེད།
བུ་མོ་བསྟན་འཛིན་འཆི་མེད་ལ་ Harding Miller ཞེས་པའི་ཤེས་ཡོན་ཐེབས་རྩ་དེའི་སློབ་ཡོན་རག་འདུག
ཨོ་སི་ཊོ་ལི་ཡའི་མངའ་སྡེ་ཁུན་སི་ལན་ཌིར་གནས་སྡོད་བྱས་ཡོད་པའི་བུ་མོ་བསྟན་འཛིན་འཆི་མེད་ལ་ Harding Miller Education Foundation ཞེས་པའི་ཤེས་ཡོན་གྱི་ཐེབས་རྩ་ཚོགས་པ་དེ་ནས་ཕྱི་ལོ་ ༢༠༢༤ དང་ ༢༠༢༥ ཡི་མཐོ་སློབ་སློབ་ཡོན་རག་ཡོད་པ་རེད། འདི་ལོར་སློབ་ཡོན་དེ་ལ་སྙན་ཞུ་ཕུལ་མཁན་ཁྱོན་སློབ་ཕྲུག་ ༦༤༣ བྱུང་ཡོད་ཀྱང་། དེའི་ནང་སློབ་ཕྲུག་ ༢༠༦ ལ་མ་གཏོགས་སློབ་ཡོན་དེ་རག་ཐུབ་མེད་པ་རེད།
རྒྱ་མཚོ་འགྲམ་དུ་འགྲོ་སྐབས་ཉ་ཆེན་ Sharks རིགས་ལ་དོགས་ཟོན་བྱེད་དགོས།
ཨོ་སི་ཊོ་ལི་ཡར་མཛེས་སྡུག་ཡིད་དབང་འཕྲོག་པའི་མཚོ་གླིང་དང་། མཚོ་འགྲམ་གྱི་རིག་གནས། རྒྱ་མཚོའི་ནང་གི་སྐྱེ་དངོས་སེམས་ཅན་སྣ་ཚོགས་ཡོད་པའི་ལུང་པ་ཞིག་རེད། ཡིན་ན་ཡང་མཚོ་འགྲམ་དེར་མི་མངོན་པའི་ཉེན་ཁ་ཡང་ཧ་ཅང་མང་། དཔེར་ན་ Jellyfish དང་ Stingray སོགས་ཉེན་ཁ་ཆེའི་ཉའི་རིགས་དེ་ཚོ་དང་། ཡང་མི་དང་སེམས་ཅན་གཞན་ལ་གནོད་འཚེ་བྱེད་མཁན་གྱི་ཉ་ཆེན་ Shark (ཁ་ཤས་ཀྱིས་ཆུ་སྲིན་ཀྱང་ཟེར་) རིགས་ཀྱང་རྒྱ་མཚོའི་ནང་གནས་ཡོད་པ་རེད།