Gesamtlänge aller Episoden: 1 day 13 hours 17 minutes
#1 Yeyyy mini ersti Podcastfolg :D Mir redded über es sehr wichtigs Thema: Unsicherheite ! Mir alli hends... Ich verzell eu vo mine Unsicherheite und sprich allgemein problematischi Themene wie Schönheitsideal uf Social Media und Filter ah.
#50 Immer wider han ich mal so Schüb, woni mega ine negativi Spirale chume und jedi Situation und jede Satz woni gseit ha überdenke. Das chunnt mengmal so wiit, dasi s Gfühl ha, das mi niemer gern het... Hüt reddi mal Realtalk drübber, maybe bini ja nöd allei demit <3
#2 Was sind wahri Fründe und ab wenn isch d Fründschaft vlt sogar toxisch? Ich verzell eu vo mine Erfahrige zum Thema Fründschaft und red au über es paar Pünkt, wie mer ungsundi Friends erchenne chan.
#3 "Die ersti Liebi vergisst mer nie." Ja, au ich han si ned vergesse, sus würi obviously au nöd en ganze Podcast drübber mache woni eu vo minere erste Liebi verzell höhö xD Au wenn ich uf Social Media no nie drübber gredded han, isch d Story eig ganz funny und irgendwie au cute:) Ich verzell, wie ich mini ersti Liebi kenneglernt han, vo mim erste Kuss & das ich easy Angst devor gha han und au paar peinlichi Side Stoys wo ide Kennelernphase passiert sind HAHA
#4 Yeyy min allererste Gast imim Podcast isch mini Schwöster d Joëlle (17). Da ich gad jetzt mini Prüefige fürs Studium hinder mir han, redded mir über Prüefigsängst aber au allgemein de Druck ide Gsellschaft wo mer gspüürt, wemmer sich entscheide sött, welle Bruef oder welli Schuel mer sött in Zuekunft mache. Mir beidi verzelled vo eusne Erfahrige, wo eus teilwis recht prägt oder sogar traumatisiert het. Bsunders für d Joëlle isches e sehr schwirigi und langi Phase gsi...
#5 Gad wo ich s erste Mal en Sprachufenthalt gmacht han, han ich echt demit z Kämpfe gha zum Lüüt finde und mich wohl fühle. Mittlerwile hani mini Tipps & Tricks, wie ich mit me neue Umfeld klar chum und verzell eu vo mine Erfahrige.
#6 Normalerwis suech ich mir vor em Podcast immer es Thema use, zum drübber redde.
Die Wuche hani mi eifach mal denah gfühlt, zum eu verzelle, wie ich mich momentan fühl und was mich beschäftiged. Über Heiweh, Überforderig mit Social Media, aber au me crazy Lifeudate, wo mis Lebe für di nöchste paar Jahr wird beiflusse..
#7 Finded mich anderi unsympathisch, nervig oder cringe?
Die Gedanke mach ich mir mega oft, wenn ich mit anderne Lüüt unterwegs bin. Ich bin grundsätzlich was das agaht, en sehr unsichere Mensch & bruch genau us dem Grund Bestätigung vo usse, will ich sie mir selber nöd chan ge...
Ich verzelle eu vo mine Struggles wo ich scho erlebbt han und gib es Paar vo mine Tipps uf de Weg <3
#8 Yeyyy di ersti Podcastfolg mit mim Fründ em Gian (23) als Gast:) Mir redded über es sehr wichtigs Thema, wo gad i Beziehige es grosses Problem chan si: IFERSUCHT Bis wo ischs okey? Warum isch mer überhaupt ifersüchtig und wie sött mer demit umga wenn mer selber, oder de Partner ifersüchtig isch... De Gian und ich verzelled vo eusne Erfahrige und wie mir mittlerwile demit umgönd.
#9 Söttsch eigentlich produktiv si und lerne oder dis Workout no mache, wod der eigentlich vorgno hesch?
Ich kenns zuu guet hahaha... Meistens isch garnöd d Lust s Problem sondern d Motivation, oder ebe di nöd vorhandeni Motivation!
Abbberrr ich gib eu mini ganz wylde Tipps, wo mir selber huuere vill Motivation gebed und pushh eu, zum endlich eues Füddli bewege✨