Infurmaziun: Quest podcast da videos vegn stritgà la fin da fanadur 2021. Episodas existentas e futuras chattais vus sin noss portal Play RTR (www.rtr.ch/play). Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
Minisguard dals 28.10.2023
Midada dal temp: in’ura dapli per il mund – tge capita en be 60 minutas? La notg sin la davosa dumengia d’october siglian las uras la notg da las trais enavos sin las duas. Quai pervia da la midada da l’ura. Ils blers da nus dorman e na sentan gnanc questa ura supplementara. Mo entaifer in’ura capita ina massa sin noss mund. Era tar Minisguard: Films che fan tema e las reglas da FSK. Gist durant il temp enturn Halloween ves’ins dapertut ina massa films da horror. Ils blers cussegliads tenor las reglas da FSK pir davent da 18. Il Minisguard declera co che las reglas da FSK funcziunan e dat cussegl tge far, sche uffants guardan tuttina chaussas che fan tema.