Infurmaziun: Quest podcast da videos vegn stritgà la fin da fanadur 2021. Episodas existentas e futuras chattais vus sin noss portal Play RTR (www.rtr.ch/play). Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
Minisguard dals 04.11.2023
Las tartarugas da Darvella van a durmir Las trais soras Laila, Adina e Lou ensemen cun lur mamma Silvia fan tut per che lur tartarugas possian ir en la sien d’enviern. Oravant tut han ellas da cuvrir las tartarugas cun ina massa feglia. Quai per ch'ellas hajan chaud durant il lung enviern. Ma per far lez, hani sco emprim da chattar ellas. Stgir schon las 5:30 Tge, schon stgir? Dapli la midada da l’ura vegni la saira stgir anc pli baud. Ed era fraid èsi vegnì. Ma pertge insumma vegni l’enviern stgir uschè bler pli baud che la stad?