NDR 90,3 bringt de Mudderspraak vun Norddüütschland ok in´t würkliche Leven to´n Klingen - mit Reportagen un Musik op Plattdüütsch/Plattdeutsch.
https://www.ndr.de/903/podcast4332.html
Wi snackt Platt: Plattdüütsche Bökermess un Reuter-Literaturpries
Se is sowat as de Frankfurter Bökermess för de plattdüütsche Literatur: Düt Wekenenn maakt de Carl-Toepfer-Stiften mal wedder de Dören apen för de Plattdüütsche Bökermess hier bi uns in Hamborg. Wi sünd op de Plattdüütsche Bökermess to Gast, snackt mit AutorInnen un Verlegerinnen un wi stellt Jo dat Plattdüütsch Book vun't Johr 2023 vör. Bavento geiht dat ok noch üm den Fritz-Reuter-Literaturpries. De geiht düt Johr na Hamborg: an Gerd Spiekermann. Un ok de Hamborger "Tüdelband" kann sik freien. Se is mit en Sünnerpries uttekent worrn.