Infurmaziun: Quest podcast da videos vegn stritgà la fin da fanadur 2021. Episodas existentas e futuras chattais vus sin noss portal Play RTR (www.rtr.ch/play). Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
Minisguard dals 06.01.2024
Recicladi Rueun ed ils rests da Nadal: Il Minisguard è stà sin visita en in recicladi per guardar tge che vegn dismess e pertge ch’i fa senn da separar chartun, palpiri, metal, lain ed autra rauba. – Prevista sin l’onn 2024: Tge precis che quai onn nov porta, sa nagin dir. Ma ina u duas chaussas èn uss schon segiras. Uschia è l’onn 2024 per exempel in onn plain elecziuns. Ma era en il mund da sport capita quest onn ina massa. – Vocabulari da naiv: Naiv nova, naiv entira ubain naiv arsa e marscha? La Rumantschia enconuscha ina massa pleds per il alv bletsch che corda giu da tschel. Il Minisguard porscha in pitschen curs da vocabulari d’enviern.