Il «Profil» è ina baterlada persunala, cundida cun mirveglias, istorgias ed ils giavischs da musica da noss visavi. Uschia porscha l’emissiun sonda per sonda biografias, destins, istorgias ed experientschas dad umens e dunnas, giuven e vegl, da prominents u simplamain da persunas ch’han da dir e da raquintar insatge. Ils ultims 30 onns ha il «Profil» uschia laschà vegnir a pled var 1’500 Rumantschas e Rumantschs, ed anc adina n’èsi nagin problem da preschentar novs giasts interessants.
Dario Hess: «Jau sun adina stà in zic in rebel»
Musicist e camiunist – quai è la vita da Dario Hess. La proxima giada sin tribuna è el a l'Indoor Festival a Mustér. Ses ritual avant che sa preschentar davant il public indigen saja da baiver in whisky, era per dumagnar la gnervusitad. A Mustér vegn el a chantar chanzuns da ses nov album Barlot.