Infurmaziun: Quest podcast da videos vegn stritgà la fin da fanadur 2021. Episodas existentas e futuras chattais vus sin noss portal Play RTR (www.rtr.ch/play). Minisguard è l’emissiun d’infurmaziun per uffants. Ella dat ina survista da quai che succeda en la regiun, en il chantun e sin il mund. Tge capita cun ils peschs sch'il chametg dat en l'aua? Pertge san las flurs cura ch'ellas han da flurir? RTR elavura temas relevants da la politica, da la cultura e dal sport uschia ch’uffants pon chapir quels.
Minisguard dals 02.12.2017
Vulcans - dal profund a la surfatscha A Bali el l’Indonesia han varga milli persunas stuì bandunar lur da chasa. La raschun il vulcan Agung che spida fieu e crappa dapi intginas emnas. Il privel è pia grond ch’il vulcan rumpa ora. Sin il mund èn radund 1500 vulcans activs. Il «Minisguard» declera co in vulcan nascha e rumpa ora. Uffants inspireschan toc da teater - Giaglina Ida e Stgilat Pilat Differentas scolas han tramess al reschissur Roman Weishaupt ideas per ses toc da teater Giaglina Ida e Stgilat Pilat. Ils acturs Marina Blumenthal (Gialina Ida) e Lorenzo Polin (Stgilat Pilat) preschentan a la premiera in sonda ils 2 december en la Klibühni a Cuira in toc da teater per uffants. Nus avain fatg ina visita per guardar las preparaziuns ed era quant legher ch’il toc è propi!