Cuntrasts discurs è l’emissiun da «talk» da la Televisiun Rumantscha. Il moderatur discurra cun ses giast sur da temas impurtants che sa dattan ord la vita professiunala, ord in engaschament persunal ni ord ina passiun dal protagonist. L’aspectatur emprenda da conuscher il giast d’ina vart surprendenta.
https://www.rtr.ch/play/tv/emissiuns/cuntrasts-discurs?id=c632f1ba-1ef0-0001-93d7-37e2472d1a2f
Cuntrasts discurs dals 16.04.2017
Las staziuns da sia carriera professiunala èn emploià da posta, schurnalist da radio e schef-scrivant da la vischnanca da Glion. La mitad favrer è Martin Gabriel vegnì elegì sco nov secretari general da la Lia Rumantscha, l’uniun tetgala rumantscha. En il discurs cun Rico Valär raquinta el da sia motivaziun da surpigliar questa carica, da las sfidas e tematicas ch’al spetgan e da las finamiras ch’el less cuntanscher. Sco president da l’Agentura da Novitads Rumantschas ANR è el er involvì en las discussiuns davart il futur da La Quotidiana – in tema ch’al vegn ad accumpagnar er en ses nov uffizi.