Las staziuns da sia carriera professiunala èn emploià da posta, schurnalist da radio e schef-scrivant da la vischnanca da Glion. La mitad favrer è Martin Gabriel vegnì elegì sco nov secretari general da la Lia Rumantscha, l’uniun tetgala rumantscha. En il discurs cun Rico Valär raquinta el da sia motivaziun da surpigliar questa carica, da las sfidas e tematicas ch’al spetgan e da las finamiras ch’el less cuntanscher. Sco president da l’Agentura da Novitads Rumantschas ANR è el er involvì en las discussiuns davart il futur da La Quotidiana – in tema ch’al vegn ad accumpagnar er en ses nov uffizi.