Cuntrasts discurs è l’emissiun da «talk» da la Televisiun Rumantscha. Il moderatur discurra cun ses giast sur da temas impurtants che sa dattan ord la vita professiunala, ord in engaschament persunal ni ord ina passiun dal protagonist. L’aspectatur emprenda da conuscher il giast d’ina vart surprendenta.
https://www.rtr.ch/play/tv/emissiuns/cuntrasts-discurs?id=c632f1ba-1ef0-0001-93d7-37e2472d1a2f
Cuntrasts discurs dals 12.11.2017
Urezza Famos è s'engaschada durant passa 30 onns per projects economics, turistics e culturals en l’Engiadina Bassa: Acla da fans, Magazin Piz, Hotel Piz Tschütta ed il Center d'art contemporan Nairs èn mo intginas interpresas ch'ella ha co-fundà, inizià u manà. Avant passa in onn ha Urezza Famos midà domicil en la regiun dal Lai da Turitg nua ch'ella ha gia inizià novs projects. La fin october ha ella lantschà cun «Goldküste» in nov magazin che vuless mussar autras varts da questa regiun che mo prominenza e fatschadas traglischantas. En il discurs cun Rico Valär raquinta Urezza Famos da ses projects, da ses success e naufragis e da l'impurtanza da la cultura per la vita e l'economia en il Grischun.