Cuntrasts discurs è l’emissiun da «talk» da la Televisiun Rumantscha. Il moderatur discurra cun ses giast sur da temas impurtants che sa dattan ord la vita professiunala, ord in engaschament persunal ni ord ina passiun dal protagonist. L’aspectatur emprenda da conuscher il giast d’ina vart surprendenta.
https://www.rtr.ch/play/tv/emissiuns/cuntrasts-discurs?id=c632f1ba-1ef0-0001-93d7-37e2472d1a2f
Cuntrasts discurs dals 15.04.2018
«Jau less pli gugent rivar tranter ils diavels ch'en il paradis». Sch'i va per crims, murdraretschs e violenza è el in expert enconuschent e tschertgà: Martin Killias, professer per criminologia e dretg penal. El ha instruì a las universitads da Losanna, Turitg e Son Gagl ed er a l'ester. Sco scienzià ha el deditgà sia vita a retschertgas davart il nausch en ils umans ed en nossa societad. Sper quai s'engascha el per la protecziun da monuments istorics sco president da la Lia svizra per la protecziun da la patria. En il discurs cun Rico Valär raquinta Martin Killias co ch'el ha persequità il murdraretsch da Rupperswil, pertge ch'el ha midà sia opiniun pertutgant la terapia da delinquents e pertge che miraglia veglia al fascinescha. Ed el tradescha co ch'el ha emprendì rumantsch.