Wüukomme bim 'Keh Bock Meh'-Podcast! Es Projekt vom Jugend Parlament (JuPa) Stadt Bern. Üse Podcast isch e Plattform um Juegendleche bi auem was d'Politik, Umfeld u autägleches Läbe (Schuu, ÖV, Abstimmige z.B.) agheit e Stimm z gäh, wöumr ebe ke bock meh hei eifach usrangiert zwerde. Mir behandle sowou Themene uf nationaler und regionaler ebeni, so wie grösseri und chlineri Diskussione. Im Zentrum vom Projekt steit natürlich de Diskurs, mir wei ke vürklemmti möchtegern informativi Show überebringe, sondrn eifach innerhaub vom Podcast ä agnehmi Runde schaffe u üs übr Themene wo üs aui betreffe ungrhaute! :) Wöu z'JuPa nid nume irgend ä Gruppe isch, sondrn uf politischer Ebeni ou gwissi Mittu het, chöimr aui zäme ou öppis bwege. Es si scho viu cooli Ideene vorgsteut u umgsetzt worde, üse Podcast söu dementsprechend ou drzue diene däne Idee meh Ufmerksamkeit z schenke u dr Diskurs z'starte. Nebst diverser Mitglieder vom JuPa seuber, lademr seubstvürtändlech ou Mitglieder us angrne Jungparteiene ih odr hole üs Meinige us angerne Ecke vor Schwiiz, um möglechscht breiti Konversatione chönne z führe...
https://www.buzzsprout.com/1359016
episode 2: Episode 2 - Abstimmige am 27. September mit Corina Liebi (jglp) und Sascha Zbinden (jBDP)
Hüt rede mir über d Abstimmige am 27. September. Derbi si d Corina, der Sascha und ig (Karim).
Si d Kinderabzüg sinnvou? Häufe si würk d Froue z entlaste oder isch der Vaterschaftsurloub doch di besseri Lösig? Und bruuche mir würk Kampfjets für 6 Milliarde Franke?
Mir rede zämä über d Kinderabzüg, Vaterschaftsurloub, Kampfjets unds nöie Jagdgsetz. Und d Corina und der Sascha verzeue mir, wie si id Politik si cho.