In dem plattdeutschen Magazin gibt es Neuigkeiten, Unterhaltsames und auch mal Kurioses aus den Regionen - natürlich auf Plattdeutsch.
https://www.ndr.de/ndr1niedersachsen/podcast4622.html
Gesamtlänge aller Episoden: 2 days 10 hours 2 minutes
Düt un dat vun'n 5. Maimaand to'n Naluustern
75 Johr in den sülvigen Posaunenchor is en Kierl ut Weener, wi stellt em vör. Denn gifft dat en Bericht över dat Stück, dat vun'n 15. an in't Ohnsorg-Theater lopen deiht, un Lars "Snutenhobel" Linek hett en niege CD rutbracht, de stellt wi ok vör.
Düt un dat vun`n 21. April to`n Naluustern
Wi kiekt na`t Olland, wo de Bööm all bannig fröh blöhen doot un dat gifft wat to`n Weltdag vun`t Book. Wi gratuleert Rolf Petersen to den Zonser Darstellerpries un Uwe Thomsen to den Fritz-Reuter-Pries. Un wi stellt en Automechaniker vör, de Lüüd brukt.
Düt un dat vun`n 14. April to`n Naluustern
De Vereen "Steernsnupp" in`t Rheiderland kümmert sik üm Wünsch vun Lüüd, de starvenskrank sünd. Wi stellt em vör. Denn kiekt wi op den groten Plattdüütschdag för Hamborg un op en niegen Översetterpries, den dat geven schall. Un smuustert ward natürlich ok.
Düt un dat vun`n 7. April to`n Naluustern
Wi stellt Ji en Trans-Fro vör, de jümehr Beleevnisse opschreven un as Book rutgeven hett. Denn kiekt wi na dat Projekt "Gelebte Geschichte" bi`t Freilichtmuseum an`n Kiekebarg un hebbt wat to`n Smuustern - över Hochtied un Huusdeerten.
Düt un dat vun`n 31. Marzmaand to`n Naluustern
En beten österlich Krams hebbt wi dorbi, un denn kiekt wi noch mol torüch op de Jurysitten för "Vertell doch mal". Un stellt de dütjährig Ü-18-Siegerin vör. Also, de vun den Jugendpries. Un dat gifft en nieget Book to dat Emslandlager Börgermoor.
Düt un dat vun'n 17. Marzmaand to'n Naluustern
Wi vertellt vun en düütsch-holländisch Poesie-Projekt "Het Grensland". Wi hebbt mit Nick Wilder noch mol över de Karl-May-Festspeelen schnackt un stellt den Sänger vun de Band "Aalkreih" vör. Un noch mehr.
Düt un dat vun'n 10. Marzmaand to'n Naluustern
Wi stellt "Buer Decker" vör - en Kierl, de mit Videos op Platt veele Tokiekers funnen hett. Wi sünd op de Söök na dat plattdüütsch Woort vun't Johr un kiekt mal bi en Theatergrupp vörbi, de mit ole Stücken ok in de moderne Tiet veel Erfolg hett.
Düt un dat vun`n 3. Marzmaand to`n Naluustern
Wi kiekt na de Theatergrupp vun de Heideböcke in Amekhusen, de 50-jährig Jubiläum hett. Wi bedankt us bi Volker Holm för 20 Johr "Plattnet"-Narichten. Un wi gratuleert en Landfro in Bad Bentheim, de siet 75 Johren bi de Landfroons is.
Düt un dat vun`n 18. Februar to`n Naluustern
Wi stellt de niege Theatergrupp in Gannerseer vör, kiekt op de aktuell Tournee vun Helmut Debus un weeren in en Appelversööksanstalt in`t Ole Land.
Düt un dat vun`n 11. Februar to`n Naluustern
Een American-Football-Froonsmannschaft in Ollenborg stellt wi vör, wi kiekt bi dat Sperrwark Leysiel bi`t Reinmaken to un smustert över Geschichten to "Vertell doch mal - Ünner de Sünn"