En l’archiv da musica dad RTR èn da chattar nundumbraivlas registraziuns da chors - en spezial chors rumantschs e grischuns. Tadlai e giudai!
Gesamtlänge aller Episoden: 18 days 17 hours 58 minutes
Batterdegls spirituals
En noss mintgadi plitost hectic emblid'ins mintgatant ils muments da calma. Cun la musica dad oz envida Noss chors da prender peda per quests muments.
Concert da motto «dal tun»
Avant bun dus mais era Cuira daventada la citad svizra dal chant. In dals concerts da motto da la concurrenza svizra dals chors 2024 datti d'udir en l'emissiun dad oz. Noss chors dat in sguard enavos ad in'occurrenza cun grond success.
In cuc sur cunfin
Schebain ch'il Tirol dal Sid ed il Tirol dal Nord èn fitg datiers dal Grischun datti in massa litteratura da chors da questas duas regiuns che n'è insumma betg enconuschenta a nus. Cun Noss chors pudais oz scuvrir ina part da quella.
Concert da motto «en moviment»
Noss chors dat in sguard enavos ad in'occurrenza cun grond success: Avant bun dus mais è Cuira daventada la citad svizra dal chant. In dals concerts da motto da la concurrenza svizra dals chors 2024 datti d'udir en l'emissiun dad oz.
In gir tras la natira
I vegn chantà da flurs, aua, muntognas ed auter pli. Cun in matg da chanzuns rumantschas faschain nus in viadi auditiv tras la natira. Tuns e texts da l'emissiun dad oz preschentan tut sias bellezzas.
I savura da primavaira
Cun ir ora en la natira sent'ins che la primavaira s'avischina. Las odurs en il liber daventan pli intensivas ed era ina u l'autra flura cucca gia or dal terren. Cun Noss chors datti oz era in pau primavaira per las ureglias.
Stabat Mater – trais ovras, in titel
Prest è Pasca. Perquai piglia Noss Chors l'occasiun per preschentar trais cumposiziuns che cuntegnan ina poesia che raquinta da la dolur da Nossadunna che stat sut la crusch da ses figl.
Sco ch'il bec è creschì – part III
«Chante en mon coeur» – per finir noss gir musical tras la Svizra giain nus anc a tadlar tge chanzuns che la Svizra romanda ha da porscher.
Sco ch’il bec è creschì – part II
«Avanti allegra banda» – nus faschain viadi dal Tessin fin en il Grischun. Oz datti musica or dal repertori da chanzuns da la Svizra taliana.
Sco ch’il bec è creschì – part I
«Voukslied» «Volksliad» «Volksliäd» – tudestg svizzer n'è betg simplamain tudestg svizzer. Cun chanzuns in differents dialects vulain nus preschentar oz ina paletta da chanzuns da la Svizra tudestga.